Whitney Houston í X Factor

Bandaríska söngkonan Whitney Houston kemur fram í bresku útgáfu X Factor þáttaraðarinnar síðar í október. Þetta verður í fyrsta sinn í 12 ár sem hún treður upp í Bretlandi.

Whitney reynir nú hvað hún getur til að bjarga tónlistarferli sínum en söngkonan greindi nýverið frá því að hún átti lengi við fíkniefnavandamál að stríða.

Söngkonan segist vera afar spennt að koma fram í X Factor því hún sé mikill aðdáandi Simon Cowell en hann er einn af dómurunum í þáttunum.

Fyrr í vikunni var tilkynnt að Robbie Williams og Shakira muni einnig koma fram í þáttunum í vetur.