Foreldrar ganga fyrir börnum

Breyta þarf reglum um umgegni forsjárlausra foreldra við börn sín og veita forráðamönnum þeirra tækifæri til að vernda þau fyrir ofbeldi. Þetta er krafa nýstofnaðs félags sem nefnst félag forsjárforeldra. Lögfræðingur sem rannsakað hefur þessi mál segir núgildandi fyrirkomulag jafnvel hafa verið þess valdandi að foreldrar sem afplánað hafa dóma fyrir kynferðisofbeldi gegn börnum sín fá að umgangast þau eftir afplánun.

Á síðu félagsins segir að því sé ætlað að vekja samfélagið til meðvitundar um það hvernig staðið er að umgengismálum. Eins og staðan sé fái foreldrar sem ekki hafi forræði nær undantekningalaus umgengnisrétt sama hvernig þeir hafa brotið á börnum sínum.

Elísabet Gísladóttir lögfræðingur hjá umboðsmanni barna hefur rannsakað umgengismál sem komið hafa upp undanfarinn áratug. Segist hún aðeins hafa vitneskju um eitt mál þar sem foreldri fékk ekki að hitta barn sitt. En þar bentu gögn til þess að það forsjárlaus faðir barnsins hefði beitt það kynferðisofbeldi. Þó var kveðið á um að faðirinn ætti að fá að umgangast yngri systur barnsins.

Elísabet segir einnig dæmi um að barn ætti að hitta föður sinn þótt faðirinn hafi afplánað dóm vegna kynferðisofbeldis gegn sama barni og þrátt fyrir að gögn fagaðila sýndu að það hefði skaðleg áhrif á barnið að umgangast hann. Réttur foreldra til að umgangast börn sín sé afar sterkur og gangi framar hagsmunum barnanna sjálfra.

Elísabet segir það vitanlega helst eiga vera þannig að börn geti umgengist báða foreldra sína. Stundum séu málin þó einfaldlega þannig vaxinn að velta þurfi réttmælti þess fyrir sér. Til dæmis hafi tvö lítil börn verið látinn hitta föður sinn ásamt gæslumanni þar sem hegðun hans þótti svo ófyrirsjáanleg og börnin svo hrædd. Hins vegar hafi það komið upp að gæslumaðurinn treysti sér ekki til að vera einn með manninum ásamt börnunum. Var þá málið leyst þannig að tveir gæslumenn voru látnir fylgja börnunum þegar maðurinn átti að umgangast þau.

Telur hún að reglur um umgengni forsjárlausra foreldra geta stangast á við skyldur forráðamanna um að verja börn sín fyrir ofbeldi og veita þeim öryggi og skjól.

Félagið má finna á slóðinni felagforsjarforeldra.is