Spyr um verktakagreiðslur í ráðherratíð Guðlaugs

Eygló Harðardóttir, þingmaður Framsóknarflokksins hefur lagt fram á Alþingi fyrirspurn til Ögmundar Jónassonar, heilbrigðisráðherra, um verktakavinnu fyrir ráðuneytið á því tímabili sem Guðlaugur Þór Þórðarsson gegndi embætti ráðherra.

Greint hefur verið frá því í fjölmiðlum að heilbrigðisráðuneytið hafi keypt sérfræðiaðstoð fyrir 24 milljónir á þeim tíma sem Guðlaugur var ráðherra.

Eygló vill meðal annars vita hversu stór hluti af vinnu verktakanna fyrir ráðuneytið hafi tengst fyrirhuguðum skipulagsbreytingum á heilbrigðiskerfinu og hvort verkefni þeirra hafi verði boðin út eða auglýst á vegum ráðuneytisins.