Átök milli unglinga í Hlíðahverfinu

Lögreglan var kölluð að gatnamótum Lönguhlíðar og Mávahlíðar fyrir stundu en svo virðist vera sem komið hafi til slagsmála milli unglinga. Samkvæmt upplýsingum frá lögreglunni komu tveir piltar inn í söluturn. Þeir sáust með barefli og hnífa og höfðu í hótunum. Þegar lögreglan kom í söluturninn voru þeir sem höfðu haft í hótunum horfnir. Grunsemdir voru um hvert mennirnir höfðu farið og þar sem þeir voru fannst hnífur. Enginn slasaðist alvarlega í þeim átökum sem þarna áttu sér stað. Lögreglan segir að enginn hafi verið handtekinn vegna málsins en lögreglan er enn að rannsaka málið.