Ár liðið frá því að hryðjuverkalögunum var beitt

Í dag er eitt ár liðið frá því að bresk stjórnvöld beittu svokölluðum hryðjuverkalögum gegn Íslandi.

Í tilefni af þessu hefur InDefence hópurinn sent frá sér yfirlýsingu þar sem fram kemur að hópurinn telji ámælisvert að íslensk stjórnvöld skuli ekki hafa gripið til viðeigandi aðgerða á því ári sem liðið er. Ekkert mat hafi farið fram á þeim efnahagslega skaða sem íslenskur efnahagur hafi orðið fyrir vegna þeirra.

Skorar InDefence á íslensk stjórnvöld að fá óháða erlenda rannsóknarstofnun til að meta skaðann. Indefence hópurinn telur að ef sá skaði er umtalsverður, þá beri íslenskum stjórnvöldum að krefjast fébóta.