Lést ekki af völdum áverka heldur ofkælingu

Niðurstöður úr krufningu á líki Sirreyar Maríu Axelsdóttur sem fannst látin í dúfnakofa í Hafnarfirði í byrjun febrúar liggja nú fyrir. Að sögn Friðriks Smára Björgvinssonar yfirmanns rannsóknardeildar lögreglunnar á höfuðborgarsvæðinu eru dánarorsökin ofkæling.

Minniháttar áverkar voru á líkinu en þeir eru ekki taldir hafa átt þátt í andlátinu. Sambýlismaður Sirreyjar sem handtekinn var eftir að hún fannst hefur enn réttarstöðu sakbornings en hann var yfirheyrður í vikunni þegar niðurstaðan lá fyrir.

Friðrk Smári segir að nú verði málið sent til Ríkissaksóknara sem tekur ákvörðun um hvort gefin verði út ákæra.