Innlent

Starfsfólk SPRON: Okkur var sagt upp í beinni

„Við erum ósátt við að viðskiptaráðherra hafi sagt okkur upp í beinni útsendingu," sagði formaður starfsmannafélags SPRON, Ólafur Már Svansson í dag. Starfsfólk bankans safnaðist saman á tilfinningaþrungnum fundi á Grand Hóteli í dag.

Fundurinn hófst klukkan tvö í dag. Á honum var áfallateymi og sálfræðingar sem og fulltrúar frá Vinnumálastofnun.

Guðmundur Hauksson, forstjóri SPRON, talaði á fundinum og Gunnar Haraldsson, formaður stjórnar Fjármálaeftirlitsins, svaraði spurningum starfsmanna.

Fram kom í máli viðskiptaráðherra í gær að einhver hluti starfsfólks fengi vinnu hjá Nýja Kaupþingi en ljóst væri hversu stór hluti þeirra 200 starfsmanna sem starfa hjá SPRON munu missa vinnuna. Mikil óánægja er meðal starfsmanna með hvernig tíðindin voru gerð opinber.

Heimildir fréttastofu stöðvar 2 herma að stjórn SPRON hafi setið á fundi í gær klukkan fimm þegar fregnir bárust af því að Fjármálaeftirlitið myndi taka yfir bankann og boðað hefði verið til blaðamannafundar rúmum klukkustund síðar. Gunnar Haraldsson, formaður stjórnar FME, telur ekki að það hefði mátt fara öðruvsísi að málunum.

Guðmundur Hauksson, forstjóri SPRON, vildi ekki tjá sig í dag en sagði í samtali við fréttastofu að yfirlýsingar væri að vænta frá stjórninni á morgun.




Tengdar fréttir

Sparisjóðirnir verða opnir á morgun

Sparisjóðirnir hafa sent frá sér sameiginlega fréttatilkynningu þar sem kemur fram að starfsemi sparisjóðanna muni verða eðilega á mánudaginn, heimabankar verða aðgengilegir og útibú opin fyrir utan SPRON.

SPRON gat ekki staðið við skuldbindingar

Seðlabankinn mat það svo í bréfi til Fjármálaeftirlitsins síðasta föstudag að SPRON gæti ekki staðið við skuldbindingar sínar gagnvart viðskiptavinum eða kröfuhöfum.

Sálfræðingar og áfallateymi á SPRON-fundi

Áfallateymi og sálfræðingar voru á fundi sem starfsmenn SPRON áttu með fjármálaráðuneytinu. Fundurinn hófst klukkan tvö eins og Vísir greindi frá fyrr í dag en honum er nú lokið. Fundurinn var haldinn á Grand Hótel.

Mest lesið


Fleiri fréttir

Sjá meira


×

Mest lesið