Sálfræðingar og áfallateymi á SPRON-fundi

Áfallateymi og sálfræðingar voru á fundi sem starfsmenn SPRON áttu með fjármálaráðuneytinu. Fundurinn hófst klukkan tvö eins og Vísir greindi frá fyrr í dag en honum er nú lokið. Fundurinn var haldinn á Grand Hótel.

Guðmundur Hauksson forstjóri SPRON talaði á fundinum sem og formaður stjórnar Fjármáláeftirlitsins og svöruðu þeir spurningum fundarmanna.

Fundurinn var afar tilfinningaþrunginn enda mikil óvissa framundan hjá fólkinu.

Ekki vitað hversu margir fá vinnu hjá Kaupþingi, né hversu margir munu vinna fyrir skilanefnd fyrirtækisins.

Mikil óánægja er meðal starfsmanna með hvernig staðið að málinu og á hvern hátt það var gert opinbert.

Í kvölfréttum Stöðvar 2 og Bylgjunnar klukkan hálf sjö verður rætt við formann starfsmannafélags SPRON, sem segir starfsólkið afar ósátt við að vera sagt upp í beinni útsendingu.