Tilkynnt um úrslit í forvali VG í kvöld

Til stóð að tilkynna um úrslit í forvali Vinstrihreyfingarinnar græns framboðs í Norðausturkjördæmi í gærkvöldi en vegna lélegra póstsamgangna verður það gert í kvöld, að sögn Drífu Snædals framkvæmdastýru VG.

Kosið var í póstkosningu en félagsmenn gátu einnig greitt atkvæði á Akureyri og Egilsstöðum á laugardaginn. Beðið er eftir fáeinum atkvæðum en talningu á öðrum atkvæðum er lokið. Fjöldi þeirra sem gáfu kost sér í sér í forvalinu var 21.

Vinstrihreyfingin grænt framboð hlaut tvo þingmenn kjörna í þingkosningunum 2003 og 2007, þau Steingrím J. Sigfússon, formann flokksins, og Þurríði Backman. Bæði sækjast eftir endurkjöri.

Norðausturkjördæmi nær frá Fjallabyggð til Djúpavogshrepps.