Útgáfa víða um Evrópu

Útgáfufyrirtækið Kimi Records gaf út sínar fyrstu plötur á evrópskum markaði á föstudag þegar Murta St. Calunga með Benna Hemm Hemm og All Over the Face með Skakkamanage komu út á geisladiski og rafrænu formi.

Í júlí koma svo þessar sömu plötur út á Bandaríkjamarkaði auk þess sem The Blood með Reykjavík! kemur út í Evrópu. Hún kemur svo út í ágúst á Bandaríkjamarkaði. Plata Sudden Weather Change, Stop! Handgrenade In The Name Of Crib Death ‘nderstand?, kemur út á sömu mörkuðum í september.