Aðstaða batnar á Vopnafirði

Vopnfirðingar eiga von á flutningaskipi á vegum HB Granda sem inniheldur nýjan löndunarkrana fyrir fiskimjölsverksmiðjuna á staðnum. Er um að ræða einn lið í uppbyggingu uppsjávarvinnslu fyrirtækisins á staðnum. Nú stendur fyrir dyrum flutningur á tíu mjölturnum frá Reykjavíkurhöfn til Vopnafjarðar.

Einnig er von á flutningaskipi sem sækir ýmiss konar afurðir til útflutnings, þar á meðal síldar- og loðnuafurðir sem fluttar verða til Póllands og Litháens þar sem mikil eftirspurn er, að sögn Jóns Helgasonar, sölustjóra uppsjávarafurða HB Granda. - shá