Hækkun á eldsneyti og áfengi samþykkt

28. maí 2009 23:28

Alþingi samþykkti nú í kvöld frumvarp Steingríms J. Sigfússonar, fjármálaráðherra, sem gerir meðal annars ráð fyrir að áfengi og eldsneyti hækki. Frumvarpið fékk flýtimeð en það var að lokum samþykkt með 32 atkvæðum en 22 þingmenn greiddu atkvæði gegn því.

Lögin gera ráð fyrir 10% hækkun bifreiðagjalds og 15% hækkun gjalda á tóbak og áfengi. Tíu króna hækkun verður á bensíngjaldi, olíugjald hækkar um fimm krónur, en kílómetragjald lækkar aftur á móti um 20%.

Þingmenn stjórnarandstöðuflokkanna gagnrýndu frumvarpið harðlega í umræðum í kvöld og hvöttu Steingrím til að draga það til baka.

Tryggvi Þór Herbertsson, þingmaður Sjálfstæðisflokksins, sagði að ríkisstjórnin ætti að skammast sín. Þá sagði Birkir Jón Jónsson, varaformaður Framsóknarflokksins, að það hefði haustað snemma og að ríkisstjórnin væri ekki í sambandi við raunveruleikann.

Tengdar fréttir

Fundum Alþingis ítrekað frestað

Þingfundum hefur ítrekað verið frestað í kvöld. Til umræðu hefur verið frumvarp ríkisstjórnarinnar sem felur 10% hækkun bifreiðagjalds og 15% hækkun gjalda á tóbak og áfengi. Frumvarpið fékk flýtimeðferð og verður væntanlega að lögum innan tíðar.

28. maí 2009 23:09

Bendir á að skattahækkanir muni auka verðbólguna

Greining Íslandsbanka bendir á að tillögur ríkisstjórnarinnar um að hækka skatta á eldsneyti, áfengi og tóbaki muni auka við verðbólguna.

28. maí 2009 11:56

FÍB: Stjórnvöld í skattavíking gegn bifreiðaeign

Félag íslenskra bifreiðaeigenda varar ríkisstjórnina við margþættum óæskilegum áhrifum af frumvarpi sem nú er til umfjöllunar á Alþingi sem felur meðal annars í sér 10% hækkun bifreiðagjalds. Félagið segir að sú aðferð stjórnvalda að leggjast í skattavíking gegn bifreiðaeign og bifreiðanotkun landsmanna þegar rétta þurfi hag ríkissjóðs sé ekki ný saga.

28. maí 2009 21:19

Hækkun gjalda hefur óhjákvæmilega neikvæð áhrif

Gjöld á bíla, eldsneyti, áfengi og tóbak hækka um tíu til fimmtán prósent, samkvæmt stjórnarfrumvarpi sem lagt verður fram á Alþingi í kvöld. Fjármálaráðherra segir að ekki verði hjá því komist að hækkun gjalda hafi neikvæð áhrif á verðlagið.

28. maí 2009 18:39