Innlent

Fundum Alþingis ítrekað frestað

Þingfundum hefur ítrekað verið frestað í kvöld. Til umræðu hefur verið frumvarp ríkisstjórnarinnar sem felur 10% hækkun bifreiðagjalds og 15% hækkun gjalda á tóbak og áfengi. Frumvarpið fékk flýtimeðferð og verður væntanlega að lögum innan tíðar. Því er ætlað að skila ríkissjóði 4,4 milljarða króna á ársgrundvelli en það jafngildir um 2,7 milljarða króna það sem eftir er af árinu.

Þingmenn stjórnarandstöðuflokkanna gagnrýndu frumvarpið harðlega og sagði til að mynda Tryggvi Herbertsson, þingmaður Sjálfstæðisflokksins, að frumvarpið fæli í sér miklar skattahækkanir á heimilin í landinu.

Ráðgert er að þingfundur hefjist næst klukkan 23:15 og taki þá fyrir þrjú nefndarálit um umrætt frumvarp.


Tengdar fréttir

FÍB: Stjórnvöld í skattavíking gegn bifreiðaeign

Félag íslenskra bifreiðaeigenda varar ríkisstjórnina við margþættum óæskilegum áhrifum af frumvarpi sem nú er til umfjöllunar á Alþingi sem felur meðal annars í sér 10% hækkun bifreiðagjalds. Félagið segir að sú aðferð stjórnvalda að leggjast í skattavíking gegn bifreiðaeign og bifreiðanotkun landsmanna þegar rétta þurfi hag ríkissjóðs sé ekki ný saga.

Hækkun gjalda hefur óhjákvæmilega neikvæð áhrif

Gjöld á bíla, eldsneyti, áfengi og tóbak hækka um tíu til fimmtán prósent, samkvæmt stjórnarfrumvarpi sem lagt verður fram á Alþingi í kvöld. Fjármálaráðherra segir að ekki verði hjá því komist að hækkun gjalda hafi neikvæð áhrif á verðlagið.

Mest lesið


Fleiri fréttir

Sjá meira


×

Mest lesið