Nýjast úr þinghúsinu: Framsókn fundar aftur eftir hlé

Steingrímur J. Sigfússon formaður Vinstri grænna og Sigmundur Davíð Gunnlaugsson formaður Framsóknarflokksins funda nú með Jóhönnu Sigurðardóttur forsætisráðherraefni Samfylkingarinnar í félagsmálaráðuneytinu, eftir að Framsóknarmenn sátu á tveggja og hálfs tíma þingflokksfundir þar sem farið var yfir stöðu mála eftir atburði dagsins.

Reiknað er með að Framsóknarmenn komi saman aftur til fundar nú um fimmleytið. Búist er við stuttum fundi þar sem flokksmenn leggi blessun sína yfir stjórnarsáttmála verðandi stjórnar sem og aðgerðaráætluna hennar.

Í framhaldi af því mun Samfylkingin boða til flokksstjórnarfundar, en ekki er á þessari stundu ljóst hvort sá fundur verður í kvöld eða fyrramálið. Á morgun fara síðan væntanlega fram hefðbundin ríkisstjórnarskipti á Bessastöðum, eftir að Jóhönnu Sigurðardóttur hefur verið veitt stjórnarmyndunarumboð.