Tímamóta ríkisstjórn hvað jafnréttismál varðar

Búist er við því að ný ríkisstjórn verði mynduð formlega á laugardaginn. Þetta kom fram í máli Jóhönnu Sigurðardóttur verðandi forsætisráðherra í fréttum Stöðvar 2 nú í kvöld. Steingrímur J. Sigfússon sagði að um tímamóta ríkisstjórn væri að ræða hvað varðar jafnréttismál, en búist er við jöfnu hlutfalli karla og kvenna.

Ljóst er að ráðherrum verður fækkað um tvo og verða því alls tíu. Fjórir frá Samfylkingu, fjórir frá VG og tveir utanaðakomandi aðilar.

Nöfn Gylfa Magnússonar prófessors í hagfræði hefur verið nefnt í stól viðskiptaráðherra. Þá hefur Bryndís Hlöðversdóttir prófessor við Háskólann á Bifröst verið orðuð við stól dómsmálaráðherra.