Ákvörðun Einars um hvalveiðar hugsanlega breytt

Steingrímur J. Sigfússon, sjávarútvegs- og landbúnaðarráðherra, sagði á fundi með blaðamönnum að ákvörðun Einars K. Guðfinnssonar um hvalveiðar í stórum stíl verði hugsanlega snúið við. Steingrímur sagði að málið væri kominn í tiltekinn farveg. Umhverfisráðuneytið, utanríkisráðuneytið og Ferðamálastofa koma að þeirri vinnu.

Steingrímur upplýsti að ríkisstjórnin hafi samþykkt tillögu sína um að hvalveiðiréttarhöfum verði send formleg viðvörun síðar í dag um að ákvörðun seinustu ríkisstjórnar um hvalveiðar hafi verið tekin til endurskoðunar.

Eitt af síðustu verkum Einars í embætti sjávarútvegsráðherra var að leyfa veiðar bæði á hrefnu og langreyði næstu fimm árin. Forystumenn Samfylkingar og Vinstri grænna voru þá í óða önn að mynda nýja ríkisstjórn og gagnrýndu Einar harðlega fyrir að taka slíka ákvörðun enda sæti hann í starfsstjórn.