Arsenal vann Liverpool

Arsenal vann í kvöld 2-1 sigur á Liverpool í 16-liða úrslitum ensku deildabikarkeppninnar.

Fran Merida kom Arsenal yfir með glæsilegu marki á 19. mínútu en Emiliano Insua jafnaði metin fyrir Liverpool aðeins átta mínútum síðar, einnig með glæsilegu langskoti.

Nicklas Bendtner tryggði svo Arsenal sigurinn með marki á 50. mínútu leiksins.

Didier Drogba, Deco, Florent Malouda og Salomon Kalou skoruðu allir í 4-0 sigri Chelsea á Bolton en Grétar Rafn Steinsson lék fyrri hálfleikinn fyrir síðarnefnda liðið.

Þá vann Manchester City 5-1 sigur á Scunthorpe. Stephen Ireland, Roque Santa Cruz, Joleon Lescott, Carlos Tevez og Michael Johnson skoruðu mörk City en Jonathan Forte fyrir Scunthorpe.