Álfakynlífslúði í hispurslausu viðtali - myndband

„Ég held að heimurinn yrði betri ef fleiri svæfu hjá álfum," segir Hallgerður Hallgrímsdóttir, rithöfundur, sem skrifaði bókina Please yoursELF en í viðtali á netsíðunni vbs.tv lýsir hún kynlífi sínu með álfum hér á landi. Hallgerður, sem var blaðakona á Nýju lífi, heldur því fram að hún hafi sofið hjá huldufólki hér á landi.

„Álfarnir koma bara og hvísla í eyrað á þér," segir Hallgerður og bætir við að þeir séu ansi góðir í því að klæmast. Sjálf er Hallgerður uppnuminn af kynlífi með álfum og segir þá vita nákvæmlega hvað konur vilji í rúminu, stundum þekkja þeir þarfir rekkjunautarins betur en þeir sjálfir, líkt og þeir lesi hugsanir.

Hallgerður lýsir sér sem nokkurskonar álfakynlífslúða í viðtalinu. Kynlífsreynslu sína hefur Hallgerður svo ritað niður í bókina Pleaese yoursELF en þar má finna ansi hispurslausar kynlífslýsingar. Meðal annars má finna upplifun og frásagnir álfa með mennskum konum. Og af lýsingunni að dæma leiðist álfum ekki að sofa hjá íslenskum konum sem ráfa um náttúruna.

Sjálf á Hallgerður ekki langt að sækja rithæfileika sína því faðir hennar, Hallgrímur Helgason, er einn af færustu rithöfundum þjóðarinnar.

Í lok viðtalsins játar Hallgerður að kynlíf með venjulegum mönnum sé hreinlega leiðinlegt.

Fyrir áhugasama má horfa á viðtali hér.