Stef-úrskurði sennilega áfrýjað

„Ég áætla að úrskurðinn verður kærður," segir Svavar Lúthersson, forsvarsmaður Istorrent, sem tapaði dómsmáli gegn Stef nú í morgun.

Að sögn Svavars er dómurinn fyrst og fremst áfall fyrir deilisskráar-samfélagið en fjölmargir nýta sér hverskyns niðurhal.

Svavar sagðist ekki hafa veirð búinn að klóra sig í gegnum dóminn þegar haft var samband við hann en hann sagðist ekki efnislega sammála dómnum. Enn á eftir að taka ákvörðun um áfrýjun en hann býst frekar við að það verði gert heldur en hitt.

„Hann var kannski einum of ánægður með úrskurðinn og yfirlýsingar í samræmi við það," segir Svavar um skoðun Snæbjörns Steingrímssonar, framkvæmdarstjóra Smáís, varðandi að þeir einstaklingar sem deila höfundarvörðu efni séu hugsanlega skaðabótaskyldir.

Auk þess sem Svavari er dæmdur ósigur þá þarf hann einnig að borga málskostanð Stef sem eru milljón krónur.

„Ég er nú bara námsmaður. Ég er ekki með miklar tekjur og er bara að reyna að lifa," segir Svavar um málskostnaðinn sem hann þarf að greiða.