Mælir fyrir sínu fyrsta máli

Ragna Árnadóttir, dómsmálaráðherra, mælir á eftir fyrir sínu fyrsta frumvarpi á Alþingi sem ráðherra en það snýr að breytingum á lögum um gjaldþrotaskipti og greiðsluaðlögun. Strax á eftir verður fjallað um annað frumvarp um gjaldþrotaskipti þegar Björn Bjarnason, þingmaður Sjálfstæðisflokksins, talar fyrir frumvarpi sínu. Í kjölfar hefst umræða á frumvarpi Sivjar Friðleifsdóttur, þingflokksformanns Framsóknarflokksins, um greiðsluaðlögun.

Þingfundur hefst klukkan hálfellefu á óundirbúnum fyrirspurnartíma. Steingrímur J. Sigfússon fjármálaráðherra, Össur Skarphéðinsson utanríkisráðherra, Ögmundur Jónasson heilbrigðisráðherra, Katrín Jakobsdóttir menntamálaráðherra og Kolbrún Halldórsdóttir umhverfisráðherra verða viðstödd umræðuna.