Stórstjarna bjargar aðdáanda úr lífsháska

Indverska leikkonan Freida Pinto, 25 ára, kom æstum aðdáanda til bjargar eftir að hann féll á götuna og bíll kom aðvífandi.

Freida var að versla með kærastanum, Dev Patel, 19 ára, en saman léku þau í kvikmyndinni Villtu vinna milljarð. Í kringum þau var æstur hópur aðdáenda sem reyndu að taka myndir af parinu. Mikið öngþveiti skapaðist í kringum þau en eins og vill verða þegar æstir aðdáendur og papparassar reyna að nálgast fræga og fallega fólkið.

Ekki vildi betur til en að einn aðdáandinn, kona á svipuðum aldri og Freida, rakst utan í hana, missti jafnvægið og féll út á miðja umferðargötu. Bifreið kom aðvífandi og stefndi á aðdáandann óheppna.

Freida stökk þá til, reisti konuna við og aðstoðaði hana á gangstéttina.

Samkvæmt The Daily Mail var bæði aðdáandanum og Freidu dauðbrugðið en hvorugar slösuðust. Freida fullvissaði sig um að konan væri óhult og hélt svo áfram með Patel.

Freida leikur nú í nýjustu kvikmynd Woody Allen en á móti henni leikur Josh Brolin. Kvikmyndin er ekki kominn með titil en henni er beðið með eftirvæntingu af aðdáendum Freidu.