Síminn lokar fyrir nafnlaus smáskilaboð

Síminn hefur ákveðið að krefjast auðkennis af öllum þeim smáskilaboðum sem send eru af heimasíðu þeirra frá og með deginum í dag. Þetta er gert til þess að koma í veg fyrir rafrænt einelti en nokkuð hefur borið á mis-smekklegum nafnlausum skilaboðum sem ekki hefur verið hægt að rekja til eigandanna.

Í tilkynningu sem Síminn sendi frá sér er þetta gert til þess að auka öryggi við notkun smáskilaboða.

Orðrétt segir: „Þess eru dæmi að þjónusta á borð við auðkennislaus SMS hafi verið misnotuð í viðskiptum með fíkniefni sem og í eineltismálum."

Síminn gerir þetta í samvinnu við SAFT í vakningarátaki um örugga tækninotkun.