Eftirlaunalögin verði afnumin á kjördag

Eftirlaunalögin verða afnumin 25. apríl, sem er áætlaður kjördagur, nái breytingartillaga á frumvarpi sem fjallar um eftirlaun æðstu ráðmanna fram að ganga. Lokaumræða um frumvarpið hófst í dag.

Með breytingartillögunni er komið í veg fyrir að þingmenn sem ljúka þingsetu og ráðherrar sem láta af störfum í kjölfar þingkosninganna í vor myndi á tímabilinu 1. apríl til 25. apríl lífeyrisréttindi hjá A-deild Lífeyrissjóðs starfsmanna ríkisins. Í áliti efnahags- og skattanefndair kemur fram að eðlilegra sé að viðkomandi aðilar búi við núverandi eftirlaunakerfi þar til að kjörtímabili þeirra ljúki 25. apríl. Þannig verði ekki skörun á milli lífeyriskerfa.