Tveir þriðju telja eigendur og stjórnendur bankanna ábyrga

Langflestir, eða tæp 63 prósent þeirrra, sem tóku þátt í skoðanakönnun Viðskiptablaðsins um það hver beri helst ábyrgð á bankahruninu, kenna eigendum og stjórnendum bankanna um það.

Tæp 44 prósent kenna Fjármálaeftirlitinu um, 42 prósent ríkisstjórninni, rösklega 31 prósent Seðlabankanum og 14 prósent kenna Alþingi um hrunið. Alþjóðlega lánakreppan kemur svo í sjötta sæti með rúm 12 prósent, endurskoðendur bankanna með 11 prósent, lánshæfismatsfyrirtæki tæp 8 prósent og rúm sjö prósent kenna fjölmiðlum um bankahrunið.