Sýslumaður tjáir sig ekki um komu Vítisenglanna

Lögreglan og sýslumannsembættið vill ekki tjá sig um ákvörðun dómsmálaráðuneytis um tímabundna upptöku á landamæraeftirliti hér á landi.

Þrátt fyrir ítrekaðar tilraunir náðist ekki í lögreglustjórann á Suðurnesjum og sýslumanns á Keflavíkurflugvelli, Sigríði Björk Guðjónsdóttur. Þau svör fengust hinsvegar að hún myndi ekki tjá sig efnislega um málið fyrr en niðurstaða fengist í það.

Í tilkynningu sem dómsmálaráðuneytið birti í Lögbirtingablaðinu í dag kom fram að auknar öryggiskröfur væri í tilefni sérstakrar ógnunar gegn allsherjarrelgu og þjóðaröryggi, í tilefni atburðar sem áætlað er að muni eiga sér stað næstkomandi laugardag.

Í tilkynningu frá dómsmálaráðueytinu segir orðrétt: Aðildarríki Schengen-samstarfsins grípa til aðgerða af þessu tagi, þegar vísbendingar hafa borist um að án þeirra aukist hætta á að vegið sé að öryggi borgara þeirra.

Ástæðan fyrir aðgerðunum nú er sú að Vélhjólaklúbburinn Fáfnir ætlar að halda innflutningspartí í Hafnarfirði um helgina. Þá munu þeir fagna nýju félagsheimili sem þeir eru að flytja inn í.

Þeir hafa boðið Vítisenglum á Norðurlöndum en eins og kunnugt er þá standa Vítisenglar í Danmörku í blóðugu gengjastríði þessa daganna.

Fáfnismaðurinn Jón Trausti Lúthersson sagði í viðtali við Vísi fyrr í dag að aðgerðir dómsmálaráðuneytisins væru öfgakenndar. Í sama viðtali kom fram að opinerrar yfirlýsingar væri að vænta. Það stendur ekki til lengur.

Fáfnismenn kanna engu að síður rétt sinn og vítisenglanna tveggja sem var vísað úr landi í gær.