Gæsluvarðhald framlengt vegna amfetamínsmygls

Karlmaður á þrítugsaldri hefur verið úrskurðaður í áframhaldandi gæsluvarðhald til 28. október að kröfu lögreglunnar á höfuðborgarsvæðinu og er það gert á grundvelli almannahagsmuna.

Maðurinn var handtekinn fyrrihluta september ásamt þremur öðrum í tengslum við rannsókn lögreglunnar á innflutningi á um 4 kílógrömmum af amfetamíni frá Danmörku. Lögð var fram krafa um áframhaldandi gæsluvarðhald yfir þeim öllum en héraðsdómur féllst ekki á hana.

Þrír eru því lausir úr gæsluvarðhaldi en einn þeirra hefur hafið afplánun vegna eldri dóms. Sá er á þrítugsaldri og sá eini fjórmenninganna sem hefur áður komið við sögu hjá lögreglu.