Vonskuveður á Akureyri og í nágrenni

Lögreglan á Akureyri vekur athygli á því að veður á Akureyri og nágrenni er nú slæmt og skyggni lítið sem ekkert á köflum. Samkvæmt upplýsingum frá lögreglunni er mjög blint innanbæjar á Akureyri og þæfingsfærð um margar götur og vegfarendur beðnir um að vega og meta þörfina á því að fara á bílum sínum af stað og þá einnig hvort að bílar þeirra séu nægjanlega vel útbúnir en talsvert hefur verið um það í morgun að ökumenn á fólksbílum á hafi lent í vandræðum og setið fastir, sumir ofar en einu sinni.



Ófært til Grenivíkur

Þá vekur lögreglan athygli á því að ófært er til Grenivíkur frá Akureyri og þá er Víkurskarð ófært. Aðilar úr Björgunarsveitinni Tý á Svalbarðströnd og Þingey í Þingeyjarsveit hafa staðið í ströngu frá því klukkan fimm í morgun við að koma vegfarendum þar til aðstoðar sem lentu þar í vandræðum. Þeim verkefnum er nú lokið.



Kjördæmisþingi frestað vegna veðurs

Þá vekja Vinstri grænir athygli á því að kjördæmisþingi sem átti að fara fram í Norðausturkjördæmi, nánar tiltekið í Mývatnssveit, í dag hefur verið frestað vegna óveðurs um viku eða til sunnudagsins 15. mars. Framboðslisti VG í kjördæminu verður ákveðin á þessum fundi.