Stefán Karl braut glas í beinni

Leikarinn Stefán Karl Stefánsson kom Elsu Maríu Jakobsdóttur í opna skjöldu þegar hann braut vatnsglas í beinu viðtali í Kastljósinu í kvöld svo flæddi yfir undirbúningsglósur hennar. Það mun þó um óviljaverk hafa verið að ræða.

Stefán grínaðist með að hann hafi brotið glasið því spurningar hennar hefðu verið óþægilegar. Þegar Elsa benti á að nú gætu þau ekki klippt efnið til afsakaði Stefán sig með því að hann hefði verið að sýna fram á að um beina útsendingu væri að ræða.

Áður en viðtalið hélt áfram benti Stefán kíminn á að flæðandi vatnið og glerbrotin væru bara smart.

Að öðru leyti fór Stefán á kostum í viðtalinu, talaði um kvikmyndaverkefni sem hann vinnur að og hermdi eftir Agli Ólafssyni, Gunnari Birgissyni og risaeðlum svo Elsa skellti upp úr.