Bridgehátíð 2009 hefst – Auðunn Blöndal dregur saman lið

Stjörnutvímenningur í bridge verður leikinn á Hótel Loftleiðum í kvöld, miðvikudaginn 28. janúar og hefst klukkan 18:30. Þar munu landsþekktir Íslendingar mæta sumum af sterkustu keppendum Bridgehátíðar 2009. Auðunn Blöndal dregur saman lið.

Til leiks mæta meðal annars Birkir Jón Jónsson, nýkjörin varaformaður Framsóknarflokksins, og Gunnar I. Birgisson, bæjarstjóri Kópavogs, ásamt Jóni Steinari Gunnlaugssyni, hæstaréttardómara, Jafet Ólafssyni og Þórarni Sigþórssyni tannlækni og laxveiðimanni sem var stigahæsti spilari Íslands þegar hann hætti keppnisbridge árið 1986.

Bridge-hátíð 2009 fer fram á hótel Loftleiðum dagana 29. janúar til 1. febrúar. Keppendur eru um eða yfir þrjú hundruð talsins og hafa aldrei fleiri erlendir spilarar mætt til leiks. Einnig má búast við að fimmtán til tuttugu þúsund manns víðs vegar að um heiminn fylgist með mótinu sem sýnt er í beinni útsendingu á netinu.