Fékk áfall yfir dýrum ritföngum

Kona sem keypti sér ritföng í Eymundsson á dögunum fékk áfall þegar hún kom að kassanum og heyrði hvað vörurnar kostuðu.Konan missti nýlega vinnuna og í staðinn fyrir að fara á bætur, ákvað hún að fara í nám.

Konan segist ekki verai búin að snerta vörurnar. Hún keypti pennaveski, nokkra penna, yddara og skóladagbók. Saman mátti þetta kosta 10.005 krónur. Konan íhugar að skila vörunum.

Konan segist hafa skotist inn í Eymundson í Smáralind í þeim tilgangi að kippa með sér nokkrum pennum, og bjóst við útgjöldum milli 3-4000. Henni brá því þegar hún var rukkuð um rúmar tíuþúsund krónur. Hún segist aldrei hafa verið „þessi týpa" sem telur hverja einustu krónu - fyrr en nú.

Konan segist hafa keypt fyrir börnin sín tvö, það sem tilgreint var á lista frá skólanum. Kostnaður per barn er tíu þúsund, svipað og ritföngin hennar kostuðu.

Konan undrast að yddari geti kostað 740 krónur. Hún segist skilja vel að fólk eigi í vandræðum með að koma börnunum sínum í skólann, sérstaklega þau sem eiga börn á menntaskólaaldri.

Borgar Jónsteinsson, rekstrarstjóri verslanasviðs hjá Eymundsson, segir að vegna þess mikla vöruúrvals hjá Eymundsson sé hægt að finna dýr ritföng, en að sama skapi mjög ódýr. „Það er sjálfsagt hægt að finna yddara sem kostar 740 krónur, ef það er eitthvert merki. Það er líka hægt að finna yddara undir hundrað krónum," segir Borgar. Hann segir vörurnar óneitanlega hafa hækkað eitthvað, en ekki eins mikið og reiknað var með.

Borgar segir Eymundsson leggja upp með að bjóða breiðara úrval en gengur og gerist. „Það er hægt að versla dýrt, og þú getur verslað ódýrt. Við pössum sérstaklega vel uppá að það séu til ódýrari vörur líka, og erum nokkuð ánægðir með sjálfa okkur hvað það varðar."