ESB-ályktun framsóknarmanna: Niðurstöðu að vænta

Búið er að loka fyrir mælendaskrá í umræðum um Evrópumál á flokksþingi Framsóknarflokksins er niðurstöðu að vænta. Skiptar skoðanir eru um tillöguna sem liggur fyrir þinginu sem felur í sér að sækja beri um aðild að Evrópusambandinu. Umræður hófust eftir að Valgerður Sverrisdóttir, fráfarandi formaður flokksins, hélt yfirlitsræðu sína eftir hádegi.

Sá möguleiki er fyrir hendi að afgreiðslu tillögunnar verði frestað til morgun en búist er við að gengið verði til atkvæða um hana innan skamms. Niðurstaða ætti að liggja fyrir á sjöunda tímanum.

Tillagan gerir ráð fyrir að Ísland sæki um aðild að Evrópusambandinu. Einnig er kveðið á um markmið í aðildarviðræðunum og eru fullveldi og óskorað forræði Íslendinga yfir auðlindum þjóðarinnar grundvallarkrafa í þeim.