Icesave lánið er til 15 ára

Skuldin sem ríkissjóður þarf að gangast í ábyrgð fyrir vegna Icesave reikninganna á að vera fullgreidd að fimmtán árum liðnum. Lánið nemur samkvæmt heimildum fréttastofu 640 milljörðum króna en byrjað verður að greiða af því eftir sjö ár. Lánskjörin er 5,5% vextir.

Næstu sjö árin mun andvirði eigna Landsbankans í Bretlandi, sem nú eru frystar, koma til lækkunnar á höfuðstól lánsins samhliða sölu þeirra. Það sem eftir stendur að sjö árum liðnum, ásamt vöxtum, mun verða greitt á átta árum.

Meðal þeirra eigna sem eiga koma á móti skuldinni eru útlán Landsbankans til meðalstórra fyrirtækja um allann heim sem hafa flest fjögurra til sjö ára líftíma.