Spáir betri tíð síðar á árinu

„Þetta gerir okkur kleift að nýta betur þau tækifæri sem verða til þegar staðan í alþjóðlegu efnahagslífi batnar," segir Theo Hoen, forstjóri Marel Food Systems. Hann segir margt benda til að það geti orðið á seinni hluta ársins. „Við erum komin í mjög góða stöðu," segir hann.

Fyrirtækið lauk í gær hlutafjárútboði og tók öllum tilboðum, að stærstum hluta frá lífeyrissjóðum. Verðið var 54 krónur á hlut og nam söluandvirðið því rúmum 1,4 milljörðum króna. Það svarar til 8,3 milljóna evra, líkt og fram kemur í tilkynningu.

Þetta var fyrsta hlutafjárútboð hjá skráðu félagi hér. Hálfur mánuður er síðan fyrirtækið tryggði langtímafjármögnun og lengdi í gjalddögum lána.- jab