Díselolía lækkar

Vegna lækkunar á heimsmarkaðsverði á dieselolíu síðustu daga hefur Bensínorkan ákveðið að lækka verð á Orkustöðvunum um 5 krónur. Almennt verð á diesel verður eftir breytingu 159,1 króna.

Þá hefur díselolía einnig lækkað hjá Atlantsolíu um fimm krónur og er þá kominn niður í 159,20 krónur.

Skeljungur hefur einnig ákveðið að lækka díseolíuna um fimm krónur og segir fyrirtækið að það sé í samræmi við verðlagsstefnu Skeljungs um að eldsneytisverð fylgi heimsmarkaðsverði og gengi krónunnar. Hjá Skeljungi verður almennt verð á dísel verður þá 162,8 krónur eftir breytingu og almennt verð á bensíni áfram 144,4 krónur.