Ákvörðun um húsið í sumar

Pétur J. Eiríksson, nýr stjórnarformaður Portusar, segir að ákvörðunar sé að vænta í sumar um hvaða starfsemi verður til húsa í tónlistar- og ráðstefnuhúsinu við höfnina. Hann reiknar með að Íslenska óperan verði í húsinu.

Pétur segir að ekki þurfi að gera umtalsverðar breytingar til að svo geti orðið. „Það er búið að taka ákvörðun um hringsvið sem gerir allt auðveldara fyrir Óperuna, þá er hægt að skipta um leiktjöld og þannig." Pétur segir enn verið að ræða um Íslenska dansflokkinn. Hann þurfi minna húsnæði og aðstaðan í tónlistarhúsinu verði líklega dýrari en núverandi aðstaða.- kóp