Íslandspósti gert að greiða starfsmanni 400 þúsund í bætur

Hæstiréttur dæmdi í dag Íslandspóst til að greiða starfsmanni sínum 400 þúsund krónur í bætur vegna slyss þegar starfsmaðurinn féll af rampa. Starfsmaðurinn sem er kona hafði starfað hjá fyrirtækinu í rúma tvo áratugi.

Konan slasaðist 25. nóvember 2004 en ágreiningur var um það með hvaða hætti slysið hafði orðið. Konan sagði fyrir dómi að hún hafi verið að fara út úr húsnæði Íslandspóst í Mjódd með póstburðarkerru og ýtt henni á undan sér. Hún hafi þurft að fara yfir lítinn þröskuld og þá ýtt á kerruna sem hafi farið fram af rampa beint fyrir framan dyrnar og hún með. Þá hafði handrið sem rampinn var girtur af með hafði verið fjarlægt vegna viðgerðar.

Hæstiréttur féllst á kröfu konunnar um viðurkenningu á því að Íslandspóstur bæri skaðabótaábyrgð á líkamstjóni hennar sem fasteignareigandi húsnæðisins.

Aftur á móti mildaði Hæstiréttur dóm Héraðsdóms Reykjavíkur frá 5. júní 2008 um 450 þúsund krónur sem hafði áður dæmt Íslandspóst til að greiða konunni 850 þúsund krónur í bætur vegna málsins.