Bifreið stolið í Borgartúni

Í gærmorgun rétt fyrir klukkan tíu var bifreiðinni PA 301, sem er 2ja dyra hvítur Nissan Sunny árgerð 1994 stolið úr porti við Borgartún 7.

Eigandi bílsins segir að vitni hafi séð ungan mann uþb. 25 - 30 ára, meðalmann á hæð, dökkhærðan með derhúfu, líkara kaskeiti aka bifreiðinni á brott.

„Það eru ekki margir svona bílar í umferð þ.e. hvítir 2ja dyra Nissa Sunny og lítur þessi mjög vel út," segir eigandinn.

Ef einhverjir hafa vísbendingu um bifreiðina þá er fólk beðið um að hafa samband við Lögregluna á höfuðborgarsvæðinu.