Melchior saman á ný

Hljómsveitin Melchior heldur útgáfutónleika á Kaffi Rosen­berg í kvöld til að fagna útgáfu þriðju hljómplötu sinnar. Þetta er í fyrsta sinn sem hljómsveitin kemur saman frá árinu 1978, en hún var stofnuð árið 1973.

Hljómsveitin, sem leikur svokallaða stofutónlist, mun leika lög af nýútkomnum diski en einnig nokkur lög af eldri hljómplötum.

Söngkonan Helga Möller mun stíga á svið með Melchior í kvöld, en til gamans má geta að hún kom fyrst fram á hljómplötu með hljómsveitinni aðeins sextán ára gömul. Tónleikarnir hefjast stundvíslega klukkan 21.00. - sm