Neyðin eykst

Þeim fjölgar ört sem eiga ekki fyrir mat og leita á náðir Mæðrastyrksnefndar. Um fjögur hundruð heimili sækja þangað aðstoð í hverri viku. Formaður nefndarinnar segir að sem betur fer séu enn margir tilbúnir að láta gott af sér leiða.

Mæðrastyrksnefnd Reykjavíkur stendur í hverri viku fyrir úthlutun á mat og fötum fyrir þá sem þurfa. Ásóknin hefur aukist mikið frá bankahruninu í lok október á síðasta ári. Nú er svo komið að um fjögur hundruð heimili leita þangað eftir aðstoð í hverri viku, á bak við hvert heimili eru oft margir einstaklingar.

Ragnhildur G. Guðmundsdóttir formaður nefndarinnar segir hátt í annað þúsund manns hafa fengið aðstoð frá þeim í janúar og að þeim sem þangað leiti hafi fjölgað mikið frá því nóvember á síðasta ári eða um tvö hundruð prósent. Hún segir nokkrar breytingar hafa orðið á þeim hópi sem til þeirra leitar en bæði útlendingum og ungu fólki fari fjölgandi.

Ragnhildur segir að þrátt fyrir mikið álag geti hafi þau enn ekki þurft að vísa neinum í burtu. Margir séu enn tilbúnir að gefa og að þeim berist í hverri fjölmargar gjafir sem séu af öllum stærðum í hverri viku.