Formannsstarfið ekki launað

„Formenn flokksins hafa ekki verið launaðir fram að þessu, en þetta er bara eitthvað sem við þurfum að skoða," segir Sigfús I. Sigfússon, framkvæmdastjóri Framsóknarflokksins, spurður hvort Sigmundur Davíð Gunnlaugsson, nýkjörinn formaður flokksins, fái laun fyrir formannsstarfið.

Sigfús bendir á að hingað til hafi formenn flokksins verið þingmenn, utan Jón Sigurðsson sem var ráðherra. „Við höfum ekki velt þessu fyrir okkur enn þá þannig að ég ætla ekkert að úttala mig um þetta á þessari stundu," segir Sigfús.- kg