Sir Bobby Robson er látinn

Mikil sorg ríkir á Englandi og víðar í dag eftr að tilkynnt var að goðsögnin Sir Bobby Robson væri látinn en þessi fyrrum landsliðsþjálfari Englands var með virtari og viðkunnalegustu mönnum í fótboltaheiminum.

Robson dó eftir harða 15 ára baráttu við krabbamein en hann var 76 ára gamall þegar hann dó. Árið 2008 stofnaði hann Sir Bobby Robson stofnunina sem hefur síðan safnað milljónum punda til rannsóknar á krabbameini og til kaupa á tækjabúnaði fyrir sjúkrahús í Newcastle á Engalandi.

Ásamt því að þjálfa enska landsliðið var Robson einnig um tíma knattspyrnustjóri hjá Ipswich, Newcastle, Porto, Barcelona og PSV.