Óttast mengun af mótorhjólum

Umhverfis- og skipulagsnefnd Voga óttast að fyrirhugað mótorhjólasvæði á Reykjanesi hafi neikvæð áhrif á framtíðarvatnstökusvæði nálægt Snorrastaðatjörnum.

Þótt grunnvatnslíkanið, sem fylgir tillögunni, geri ráð fyrir að meginstraumar grunnvatns fari undir Stapann til norðurs er ekki hægt að tryggja að hluti þess berist ekki lengra til austurs, sérstaklega þegar horft er til þess að sprungustefnan er til norðausturs. Þetta er líka spurning um trúverðugleika þess að vatn í Vogalandi sé með öllu ómengað og þannig í hæsta gæðaflokki,“ segir umhverfisnefndin sem kveður að mengunarvarnir þurfi að vera sérlega strangar, meðal annars með tilliti til meðhöndlunar efna og olíuvara. - gar