Geir: Ýmislegt verið gert

Heimilin í landinu þurfa um síðir að greiða niður kostnað vegna halla ríkissjóðs og tvær leiðir eru til þess, sagði Geir Haarde forsætisráðherra á Alþingi í morgun. Hann sagði að annars vegar yrði hægt að ganga á eign ríkisins hjá Seðlabankanum sem gæti leitt til aukinnar verðbólgu. Hin leiðin væri útgáfa ríkisskuldabréfa sem myndi leiða til hækkunar vaxta síðar. Geir frábað sér umræðu um það að stjórnvöld hefðu ekki gert neitt til að bregðast við fjármálakreppunni sem ríkir í landinu. Hann greindi frá ýmsum aðgerðum sem stjórnvöld hefðu unnið að og sem unnið verður að á næstu misserum.