Ferguson spáir endurkomu Mourinho í enska boltann

Sir Alex Ferguson, stjóri Man. Utd, spáir þvi að Jose Mourinho muni snúa aftur í enska boltann um síðar. Þetta verður seint kallaður mikill spádómur enda er Mourinho nýbúinn að lýsa því yfir að hann ætli að koma aftur í enska boltann síðar.

Mourinho yfirgaf herbúðir Chelsea árið 2007 og tók þar næst við ítalska liðinu Inter sem hann stýrir í dag.

„Í hvert skipti sem ég tala við Jose þá segir hann mér að honum hafi alltaf líkað best í enska boltanum. Hann er enn ungur maður en eftir að hafa komið aftur til Chelsea og endurupplifað stemninguna og ákefðina í enska boltanum, sem er ekki til staðar á Ítalíu, þá mun hann enn frekar vilja koma aftur," sagði Ferguson.