Óttast ákvarðanafælni nýrrar ríkisstjórnar

Árni Mathiesen fjármálaráðherra segist ekki hafa verið ákvarðanfælinn fjármálaráðherra. Bæði Jón Baldvin Hannibalsson og Jón Daníelsson dósent sögðu í Sprengisandi á Bylgjunni í morgun að fráfarandi ríkisstjórn hefði forðast að taka ákvarðanir sem lýsti sér í því að lítið hefði gerst síðan bankarnir hrundu. Árni sagði ljóst að veikindi Ingibjargar Sólrúnar hefðu spilað þar stórt hlutverk og Samfylkingin hefði meðal annars tafið fjárlagagerð.

„Eins leiðinlegt og það er að segja það þá töfðu veikindi Ingibjargar Sólrúnar Gísladóttur og fjarvera hennar, svo mikilvæg sem hún er fyrir Samfylkinguna, gríðarlega mikið fyrir. Ég er hræddur um að svo verði einnig í þessari nýju ríkisstjórn. Við afgreiddum til dæmsi fjárlögin á síðasta degi en það tafðist vegna þess hve mikið hún var fjarverandi, og það af eðlilegum ástæðum ég er ekki að segja það. En aðrir ráðherrar gátu ekki tekið ákvarðanir þegar hún var í burtu," sagði.

Hann sagði Geir ekki ákvarðanafælinn eins og margir hafa haldið fram og það væri Ingibjörg Sólrún ekki heldur. „En þegar hún er fjarverandi er ekki hægt að taka ákvarðanir þegar aðrir ráðherrar hegða sér eins og þeir gerðu á þessu tímabili."