Bónusgreiðslur bankastjóranna hugsanlega afturkallaðar

Fjármálaráðherra segir vel koma til greina að taka með einhverjum hættti til baka bónusgreiðslur sem greiddar voru til stjórnenda gömlu bankanna rétt fyrir hrun.

Hart hefur verið sótt síðustu vikur að fyrrverandi stjórnendum þeirra bankanna í Bretlandi og Bandaríkjunum sem þurft hafa að leita á náðir ríkisins til að forðast hrun gjaldþrot banka sinna. Málaferli eru í gangi vestanhafs um að sækja aftur þá bónusa sem margir þeirra fengu greidda í fyrra rétt áður en fjármálastofnanir þeirra leituðu á náðir ríkisins til að koma í veg fyrir gjaldþrot.

Steingrímur J. Sigfússon, fjármálaráðherra, segir koma til greina að ganga á eftir bónusgreiðslum til fyrrverandi stjórnenda gömlu íslensku bankanna sem greiddar voru út skömmu fyrir hrun.

,,Já ég þekki þessi ákvæði bæði í Bretlandi og Bandaríkjunum þar sem farið er í menn og þeir látnir endurgreiða það sem menn telja vera oftekna bónusa og óeðlilegar greiðslur í ljósi síðan afkomu og örlaga bankanna. Það eru slík málaferli í gangi vestanhafs vegna Lehman Brothers og fleiri banka og Bretarnir eru að ræða þetta núna þannig að auðvitað finnst mér eðlilegt að við skoðum þetta en það yrði þá í höndum viðskiptaráðherra að gerða það væntanlega," segir Steingrímur.