Rólegt hjá lögreglu víðs vegar um landið

Nóttin var víðast hvar tíðindalítil, að sögn lögreglu. Talsverður erill var þó hjá lögreglunni á höfuðborgarsvæðinu og voru þrír teknir grunaðir um ölvunarakstur og aðrir þrír grunaðir um akstur undir áhrifum fíkniefna. Þá hafði lögreglan í Borgarnesi afskipti af tveimur ökumönnum vegna fíkniefnaaksturs.

Maður var fluttur lífhættulega slasaður á slysadeild eftir að ekið var á hann á mótum Laugavegar og Smiðjustígs um klukkan hálf fjögur í nótt. Ökumaður bifreiðarinnar ók burt og er ófundinn.