Opið í Hlíðarfjalli og Siglufirði

Skíðasvæðið á Siglufirði verðu opið í dag á milli klukkan 12 og 17. Að sögn Egils Rögnvaldssonar, umsjónarmanns svæðisins, er skíðafæri gott og nægur snjór.

,,Við höfum verið að fá 150 til 200 manns á góðum dögum. Aðkomufólk er mjög duglegt að heimsækja okkur sem er mjög ánægjulegt," segir Egill.

Þá verður skíðasvæðið í Hlíðarfjalli opið í dag frá klukkan 10 til 16 í boði vina Hlíðarfjalls. Töluvert hefur snjóað síðustu daga og því er gott skíðafæri.

Í Bláfjöllum er lokað í augnablikinu vegna hvassviðris en nýjar upplýsingar koma klukkan 10.