Innlent

Kompásperri handtekinn með fíkniefni í Argentínu

Andri Ólafsson skrifar

Íslenski sendiráðsfulltrúinn í Argentínu ætlar að heimsækja Íslendinginn sem handtekinn var í Buenos Aires í síðasta mánuði.

Hörður Sigurjónsson var handtekinn á alþjóðaflugvellinum í Buenos Aires með rúmlega fimm kíló af kókaíni og hefur setið í fangelsi í hálfan mánuð. Sendiráðsfulltrúi íslands sem staðsettur er í Buenos Aires fylgist með málinu. Hann ætlar að heimsækja Hörð í fangelsið og athuga með aðbúnað hans og líðan.

Hörður var rannsóknarlögreglumaður hjá ríkislögreglustjóra en sinnti ekki fíkniefnamálum eftir því sem næst verður komist. Eftir að hann lét að störfum hjá lögreglunni tók að halla undan fæti.

Hann var til að mynda einn þeirra sem fréttaskýringaþátturinn Kompás fjallaði um í þætti sínum um karlmenn sem áttu í kynferðislegum samskiptum við börn á netinu. Í þættinum var hann kallaður fíkusbenjamín; en það er nafnið sem hann notaði þegar hann setti sig í samband við unglingsstúlkur.

Hörður flutti til Spánar fyrir fáeinum árum og keypti sér þar hús. hann missti húsið og hefur samkvæmt heimildum fréttastofu verið í töluverðum fjárhagserfiðleikum síðan þá.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.