Fleiri nýta sér fæðingarorlof

Karlmönnum sem nýta sér fæðingarorlof sem þeir eiga inni fjölgar í takt við aukið atvinnuleysi. Hátt í fjórtán þúsund manns eru án atvinnu samkvæmt vef Vinnumálastofnunar en atvinnulausum hefur fjölgað ört síðustu mánuði.

Sífellt fleiri horfa því fram á það að þurfa að skrá sig atvinnuleysisbætur. Gissur Pétursson forstjóri Vinnumálastofnunar segir að stofnunin sjái það að fleiri karlar líti á það sem kost að nýta sér fæðingarorlof sem þeir eiga rétt á en hafa enn ekki nýtt sér. Töluverður munur er á hámarksatvinnuleysisbótum og því sem mest er hægt að fá greitt í fæðingarorlofi.

Hámarkstekjutengdaratvinnuleysisbætur eru 243 þúsund krónur en mest er hægt að fá fjögur hundruð þúsund krónur greiddar í fæðingarorlof á mánuði.